Bean

كلمة فول هى كلمه مصريه قديمه و مدمس كلمه قبطيه معناها المطمور (المطبوخ تحت الارض). مع ان بيتقال ان الفول المدمس ممكن اعتباره الطبق الوطنى عند المصريين و بيرجع تاريخه لالاف السنين[1] لكن هيرودوت ذكر فى كتابه " التواريخ " ان المصريين بيقرفوا و بيشمئزوا من الفول لدرجة انهم ما بيقدروش يبصوله و ده بيوضح ان الاعتقاد بإن الفول اكله مصريه قديمه مش صح. من جهه تانيه مؤرخين مصر فى العصور الوسطى اللى اتكلموا عن اكل المصريين ما بينوش ان اكل الفول كان وجبه مميزه فى مصر فى العصور الوسطى و ما اتكلموش عن الفول بطريقه توحى بإنه كان اكل مهم فى مصر زى ما اتكلموا عن انواع الاكل التانيه ، تقريباً الفول ما اتذكرش غير فى مرات قليله كنوع من الحبوب من غير توضيح انه كان بيتدمس و بيتباع فى المحلات. بيتسبب اكل الفول عند طايفه من الناس فى اصابتهم بمرض انيميا الفول و هو مرض بيكسر خلايا الدم الحمرا.